+374 43 555 300
Ռավիոլի ռիկոտա պանրով և սպանախով
| Ալրային խառնուրդ Mehl Farine 1կգ | 420 գ |
| Ձու | 4 |
| Եգիպտացորենի ձեթ | 4 ճաշի գդալ |
| Ջուր | 4 ճաշի գդալ |
| Կաթնաշոռ | 300 գ |
| Սպանախ | 150 գ |
| Ձու | 1 |
| Քերած պարմեզան | 50 գ |
| Մշկընկույզ | մի քիչ |
| Աղ եւ պղպեղ | մի քիչ |
Ալյուրը մաղել և մեջտեղում մի փոքրիկ փոսիկ անել։
Ձուն, ջուրն ու ձեթը լցնել փոսիկի մեջ և պատառաքաղով խառնել։ Ձեռքերով հունցել այնքան, մինչև դառնա հարթ և համասեռ խմոր։
Խմորը դնել ամանի մեջ և ծածկել խոնավ շորով։
Այնուհետև կարող եք սկսել միջուկի պատրաստումը. եփած սպանախը մանր կտրատել, ավելացնել ձուն, ռիկոտա պանիրը, քերած մշկընկույզը և մի քիչ աղ, լավ խառնել։
Այնուհետև ավելացնել քերած պարմեզան պանիրը և նորից խառնել։
Այժմ խմորը մի փոքր հունցել և բաժանել երկու մասի։
Երկու կեսերն առանձին գրտնակել, մինչև նույն չափի և հաստության երկու հարթ շերտ ստանալը։
Թեյի գդալով խմորի շերտերից մեկի վրա դնել միջուկի փոքր կտորներ, որոնք հավասարապես բաժանված են:
Այնուհետեւ նրբորեն դրա վրա դնել խմորի մյուս կեսը։ Մատներով թեթև սեղմել խմորը, որպեսզի միջուկով խմորից փոքր քառակուսիներ ստանաք։
Պելմենի ձեւամանի առկայության դեպքում վրան դնել խմորի կեսը, միջուկը փռել, վրան դնել խմորի մյուս կեսը, թեթև սեղմել խմորի վրա, ապա գրտնակով անցնել դրա վրայով։
Ջրի մեջ ավելացնել մի քիչ աղ և 1-2 ճաշի գդալ եգիպտացորենի յուղ և եփել ռավիոլին 6 րոպե։
Հաճախակի խառնել ։ Ռավիոլին մատուցել ըստ ճաշակի՝ օրինակ՝ յուղի և եղեսպակի հետ կամ լոլիկի սոուսով։
